Esraa Radian | إسراء رضيان

أما بدأت رحلتي، مكنتش أتخيل إن عندي القدرات اللي توصلني أشتغل مع شركات عالمية.
كانت البداية مليانة قلق وشك في نفسي، وإحساس إن مجالات البرمجة و علوم البيانات صعبة ومقفولة على ناس معينة.
بس مع الوقت اكتشفت إن السر مش في الذكاء، السر في الفضول والإصرار إنك تكمل حتى لو خايف. انا درّبت أكتر من ٣٠٠ شخص على استخدام علوم التكنولوجيا وتطبيقها لتغيير واقعهم .
و اشتغلت في تطوير التطبيقات والمواقع، والذكاء الاصطناعي، وإدارة المنتجات، وقدّمت استشارات لشركات ناشئة ومسرّعات أعمال في مجالات التكنولوجيا.
لكن شغفي الحقيقي بدأ لما دخلت عالم تحليل البيانات وعلوم البيانات، هناك حسّيت إن الأرقام بتتكلم، وإن ورا كل رقم قصة تستحق إنها تتفهم. بعد سنتين من الدراسة في واحدة من أفضل جامعات العالم، رجعت أقوى من قبل، بخبرة من العمل مع شركات عالمية وناشئة، ورؤية أوضح من أي وقت.
النهارده قررت أخلّي العلم اللي بحبّه سهل ومتاح، وأساعد الناس يتعلموه ببساطة ويستخدموه في شغلهم أو مشاريعهم.

رسالتي بسيطة:
أياً كان هدفك في، مجالات

Data Analysis أو Data Science

تأكد إنك تقدر توصله، وأنا هنا عشان أساعدك توصل له بأبسط طريق ممكن.

أنا مهمتي إني أساعدك تتعلم تشوف الأرقام من زاوية مختلفة، وتحوّلها لقرارات أجرأ وقصص أقوى.